ക്യാല് ആദിതാളം csikerla

 ക്യാല്‍ - ആദിതാളം
പല്ലവി
ഇന്നും എന്നെന്നേക്കും യേശു മതി
യേശു മതി എനിക്കു
അനുപല്ലവി
എന്നും മാറാതിരി-ക്കുന്ന ദൈവസുതന്‍
യേശു രക്ഷാകരന്‍-ഏകരാജേശ്വരന്‍ (ഇന്നും..)
ചരണങ്ങള്‍
1. തന്നുടെ ഉന്നതത്വം തന്‍ രാജത്വം
തന്‍ മഹാ ശക്തിയതും
തന്നെത്ത-ന്നെന്നെത്താന്‍-വീണ്ടു കൊണ്ട കൃപ
സത്യനിലമഹാ-സ്നേഹവും കണ്ടു ഞാന്‍ (ഇന്നും..)

2. പാരിന്‍ ഇന്‍പങ്ങളെയും-നിസ്സാരമാം
പാരിന്‍ മഹിമയെയും
ക്രൂര ചതിയനാം-പേയിന്‍ കെണികളാം
കൌശല മോഹങ്ങ-ളേയും വെറുക്കുന്നേന്‍ (ഇന്നും..)

3. എന്നെ പ്രതി ഇറങ്ങി-തന്നെ ബലി
യേശുനാഥന്‍ കഴിച്ചു
എന്നുടെ മുന്‍നട-ന്നെന്നെ നടത്തുന്നു
യേശു മഹാ ഗുരു-വേറെ ആരും വേണ്ടാ (ഇന്നും..)

4. വിട്ടിടുന്നേന്‍ പിശാചിന്‍-നാനാവിധ
വ്യര്‍ത്ഥ വഴികളെ ഞാന്‍
കിട്ടണം ഏറ്റവും-മാഹാത്മ്യമായുള്ള
ക്രിസ്തേശുവാം മഹാമുത്തെനിക്കാകയാല്‍ (ഇന്നും..)