அதிசயமான ஒளி மய நாடாம் என் இயேசுவின் நாடாம்

பாவம் இல்லாத நாடு - ஒரு

சாபமும் காணா நாடு (2)

நித்திய மகிழ்ச்சி ஓயாத கீதம்

உன்னதத்தில் ஓசன்னா - அல்லேலூயா - அதி
சந்திர சூரியன் இல்லை - ஆனால்

இருள் ஏதும் காணவில்லை (2)

தேவகுமாரன் ஜோதியில் ஜோதி

நித்திய வெளிச்சமவர் - என்றும் பகல் - அதி
வித விதக் கொள்கை இல்லை - பல

பிரிவுள்ள பலகை இல்லை (2)

ஒரே ஒரு குடும்பம் ஒரே ஒரு தலைவர்

எங்குமே அன்புமயம் - அன்புள்ளோர் செல்லும் - அதி
பிரச்சனை ஏதும் இல்லை வீண்

குழப்பங்கள் ஒன்றுமில்லை (2)

மொழி நிறம் ஜாதி பற்று உடையோர்

எவருமே அங்கு இல்லை - அன்பே மொழி - அதி
இயேசுவின் இரத்தத்தினால் - பாவம்

கழுவினால் செல்லலாமே (2)

இத்தனை பெரிய சிலாக்கியம் இழப்போர்

இப்பூமியில் எவரும் வேண்டாம் - இன்றே வாரீர் - அதி