రక్షణ పొందితివా నిరీక్షణ నొందితివా

రక్షణ పొందితివా నిరీక్షణ నొందితివా
బ్రతుకిల మారినదా-నీ భారం తీరినదా

1.ఎన్నాళ్లు పాపపు-బ్రతుకు
ఎందాక ఈ శాపపు పరుగు
అంతయు మరణమేగా
నీ అంతము నరకమేగా ||రక్షణ||

2.ఆగదు సమయం నీ రక్షణకై
ఆగదు మరణం నీ కోరికపై
అనువగు సమయమిదే
నీ రక్షణ సుదినమిదే ||రక్షణ||

3.ఎన్నాళ్లుగ ప్రభు నెదిరించితివో
ఎందాక ప్రభుని విసికించితివో
కొంచెము యోచించు
నీ వించుక గమనించు ||రక్షణ||

4.పాపము నుండి తిరుగుము నేడే
పాపిని ప్రభువా మన్నించు మని
పరితాపము పొంది
ప్రార్ధించుము ఈ దినమే ||రక్షణ||

5.ప్రేమమయుడు ప్రభువగు క్రీస్తు
ప్రాణము పెట్టెను సిలువలో నీకై
పాపము తొలగించున్
నీ శాపము పరిమార్చున్ ||రక్షణ||