deva suthan meetedutha தேவசுதன் மீட்டெடுத்த சபையே

தேவசுதன் மீட்டெடுத்த சபையே
என்றும் கர்த்தரின் புகழைப்பாடு
சொல்லுங்களேன் அவர் நாமத்தையே
போற்றுங்களேன் துதி சாற்றுங்களேன்
மனம் மகிழ்ந்து அவரை துதிப்போம்

தம்புருவீணை நாதம் இசைக்க - பேரோசையுள்ள
கைத்தாளத்தின் தொனிமுழங்க
ஆவியால் நிறைவோம்
புது பெலனை அடைந்து துதிப்போம்
உற்சாகத்தோடு பொற்பாதம் பணிவோம்
அவர் சமூகம் என்றென்றும் இன்பமே

வல்லமையாக இறங்கிடுவார் - தேவனின் ஆவி
சத்தியபாதை நடத்திடுவார்
துணையாய் வருவார்
அவர் வல்லமை நம்மீது பொழியும்
உலகத்தை ஜெயிக்க உம்மையே சார்வோம்
என்றும் ஜெயத்தை அடையத் துதிப்போம்

தேவஜனங்கள் துதிப்பதினால் - தேவனின் உள்ளம்
பேரின்பத்தை அடைந்திடுமே பெலனே துதிதான்
தேவகிருபை நம்மீது பொழியும்
சத்துரு சேனை வெட்டியே வீழ்த்த
தேவ ஆவியில் நிறைந்து துதிப்போம்