oli tharum deepangal ஒளிதரும் தீபங்கள்

ஒளிதரும் தீபங்கள்
சுடர் வீசும் தீபம் நாம்
கலங்கரை விளக்கைப்போல்
இயேசுவில் ஒளி தருவோம்

மலைமேல் ஜொலித்திடும் மாநகர் போலவே
மண்ணகம் காணவே ஒளியினை வீசுவோம்
ஆண்டவர் இயேசுவின் உறவினில் எரிந்திட
அணையாத ஜோதியாய் சுடரை வீசுவோம்

இருளை நீக்கிட ஒளியாய் வந்தவர்
அருள்நிறை ஒளியினை மேதினில் வீசுவோம்
வார்த்தையைப் பிடித்துமே சுடர்களைப் போலவே
எழும்பி பாரினில் சுடரை வீசுவோம்

அழிவின் பாதையில் கல்லறை சென்றிடும்
ஆயிரம் ஆயிரம் தரிசனம் காணுவோம்
சுவிசேஷ ஒளியினை யாவரும் கண்டிட
துணிந்து என்றென்றுமாய் சேவையை செய்குவோம்

பரிசுத்தவாங்களே ஒளியில் வாசமே
சாட்சியின் ஜீவியம் எங்கும் வீசிட
இயேசுவின் ஒளியினை பாரில் வீசியே
ஒளியின் பிள்ளையைப் போல் சீராய் வாழுவோம்