இராஜாதி ராஜாவைக்

இராஜாதி ராஜாவைக்
கொண்டாடுவோம்
நாள்தோறும் துதிபாடி
கொண்டாடுவோம்

1. வந்தாரே தேடி வந்தாரே
தன் ஜீவன் எனக்காய் தந்தாரே
என்னை வாழ வைக்கும் தெய்வம்
தான் இயேசு
என்னை வழிநடத்தும்
தீபம் தான் இயேசு - அந்த

2. கலக்கம் இல்லை எனக்கு கவலை இல்லை
கர்த்தர் என் மேய்ப்பராய் இருக்கிறார்
என்னைப் பசும்புல்
மேய்ச்சலுக்கு நடத்துவார்
நான் பசியாற உணவு ஊட்டி
மகிழுவார் - அந்த

3. வென்றாரே சாத்தானை வென்றாரே
வல்லமைகள் அனைத்தையும் உரிந்தாரே
அந்த சாத்தான் மேலே
அதிகாரம் தந்தாரே
என் இயேசு நாமம் சொல்லிச்
சொல்லி முறியடிப்பேன் - நம்

4. கரங்களிலே என்னைப்
பொறித்து உள்ளார்
கண்முன்னே தினம்
என்னை நிறுத்தியுள்ளார்
ஏற்ற காலத்திலே உயர்த்துவார் - அவர்
கரங்களுக்குள் அடங்கி நான்
காத்திருப்பேன்

5. முடிவில்லாத தம் மகிமையிலே
பங்கு பெற என்னைத்
தெரிந்துக் கொண்டார்
என்னைச் சீர்படுத்தி
ஸ்திரப்படுத்தி நடத்துவார்
பெலப்படுத்தி நிலைநிறுத்தி மகிழுவார்