Sthothiram Yesu Nadha ஸ்தோத்திரம் இயேசுநாதா

ஸ்தோத்திரம் இயேசுநாதா உமக்கென்றும்
ஸ்தோத்திரம் இயேசுநாதா
ஸ்தோத்திரம் செய்கின்றோம் நின்னடியார்
திருநாமத்தின் ஆதரவில்

வான தூதர் சேனைகள் மனோகர
கீதங்களால் எப்போதும்
ஒய்வின்றிப் பாடி துதிக்க மாபெரும்
மன்னவனே உமக்கு

நின் உதிரமதினால் திறந்த
நின்ஜீவ புது வழியாம்
நின் அடியார்க்கும் பிதாவின் சந்நிதி
சேரவுமே சந்ததம்

இத்தனை மகத்துவமுள்ள பதவி
இப்புழுக்களாம் எங்களுக்கு
எத்தனை மாதயவு நின்கிருபை
எத்தனை ஆச்சரியம்

இன்றைத் தினமதிலும் ஒருமித்து
கூட உம் நாமத்தினால்
தந்த நின் கிருபைக்காக உமக்கென்றும்
ஸ்தோத்திரம் ஸ்தோத்திரமே

நீரல்லால் எங்களுக்கு பரலோகில்
யாருண்டு ஜீவநாதா
நீரேயன்றி இகத்தில் வேறோரு
தேற்றமில்லைப் பரனே