Unakkoruvar Irukkirar உனக்கொருவர் இருக்கிறார்

உனக்கொருவர் இருக்கிறார்
உன்னை விசாரிக்கத் துடிக்கிறார்
உன்னையும் என்னையும் இயேசு நேசிக்கிறார்
உன்னை உள்ளங்கையில்
வரைந்திருக்கிறார்

சாதி சனம் மறந்திட்டாலும் மறந்திடாதவர்
ஜோதிகளின் பிதாவாம் இயேசுவானவர்

சூழ்நிலைகள் மாறினாலும்
இயேசு உன்னை மறப்பதில்லை
சிலுவையில் ஜீவன் விடும்
நேரத்திலும் வெறுக்கவில்லை

ஆகாதவன் என்று உன்னை
யார் தள்ளினாலும் ஆபிரகாமின்
தேவன் உன்னைத் தள்ளிடுவாரோ

தஞ்சம் என்று வருபவரை தள்ளாத நேசரவர்
அஞ்சிடாதே மகனே மகளே
என்றுன்னை தேற்றிடவே

வியாதியஸ்தன் என்று உன்னை
ஒதுக்கி வைப்பார்கள்
வேண்டாத வார்த்தைகளை
சொல்லிப் புண்படுத்துவார்கள்

வாழ்வதா சாவதா என்று
நீ அழுது புலம்பிடுவாய்
வாழத்தான் வேண்டும் என்று
வியாதியிலே சுகம் தரவே

கஷ்டப்படும் போது நமக்கு உதவுவாரில்லை
கடன்பட்ட போது அதைத் தீர்ப்பவரில்லை

இஷ்டப்பட்ட தெய்வங்களெல்லாம்
கும்பிட்டுப் பார்த்தாச்சு
நம்ம கஷ்டங்கள் தீர்க்க
அவை முன் வரவில்லை

உலகத்தில் தெய்வங்கள் உண்டென்று
சொல்வதெல்லாம் சும்மாங்க
இயேசு கிறிஸ்து ஒருவரே
மெய்யான தெய்வமுங்க
ஜனங்களின் பாவம் நீக்கி
இரட்சிக்க வந்த தெய்வமுங்க