unnathathin thoothargale

உன்னதத்தின் தூதர்களே ஒன்றாகக் கூடுங்கள்
மன்னன் இயேசு நாதருக்கே வான்முடி சூட்டுங்கள்
ராஜாதி ராஜன் இயேசு, இயேசு மகாராஜன்
அவர் ராஜ்யம், புவி எங்கும் மகா மாட்சியாய் விளங்க,
அவர் திரு நாமமே விளங்க - 2
அல்லேலூயா அல்லேலூயா அல்லேலூயாவே!
அல்பா ஒமெகாவுக்கே அல்லேலூயாவே!

1) கானான் தேசத்தில் உள்ளோரே நடந்து வாருங்கள்
விண்ணோன் தேசத்தானுக்கு விண்முடி சூட்டுங்கள்
சின்ன நாடுகளை விட்டு சீக்கிரமேகுங்கள்
உன்னதராம் சாலேமுக்குபோய் முடி சூட்டுங்கள் - ராஜாதி

2) குற்றமில்லா பாலகரே கூடிக்குலாவுங்கள்
வெற்றி வேந்தன் இயேசுவுக்கே விண்முடி சூட்டுங்கள்
இயேசு என்ற நாமத்தையே எல்லாரும் பாடுங்கள்
ராஜாதி ராஜானின் தலைக்கு நன்முடி சூட்டுங்கள் - ராஜாதி

3) சகல கூட்டத்தார்களே சாஷ்டாங்கம் செய்யுங்கள்
மகத்துவ ராஜன் இவரே மாமுடி சூட்டுங்கள்
உன்னதத்தின் தூதர்களே ஒன்றாகக் கூடுங்கள்
மன்னன் இயேசு நாதருக்கே வான்முடி சூட்டுங்கள் - ராஜாதி