சொல்லரும் மெய்ஞ்ஞானரே

சொல்லரும் மெய்ஞ்ஞானரே
பல்லவி
சொல்லரும் மெய்ஞ்ஞானரே, மேன்மைப்ரபுவே,
சுரூபத் தரூபக் கோனாரே - உரை

அனுபல்லவி
வல்லறஞ் சிறந்து மனுவானாரே - உயர்
இல்லறந் துறந்து குடிலானாரே - உரை --- சொல்

சரணங்கள்
1. மாடாயர் தேடும் வஸ்துபகாரி - மிகு
கேடாளர் நாடுங் கிறிஸ்து சற்காரி,
வையகம் புரப்பதற்கு வந்தாரே - அருள்
பெய்து நவமும் தவமுந் தந்தாரே - உரை --- சொல்

2. அச்சய சவுந்தர அசரீரி - அதி
உச்சித சுதந்தர அருள்வாரி,
ஐயா வல்லாவே, மாதேவா - ஓ!
துய்யா, நல்லாவே, ஏகோவா - உரை --- சொல்

3. பாவ வினை யாவையுந் தீர்த்தாரே - உயர்
தேவ சபையில் எமைச் சேர்த்தாரே
செல்லமாய் முகம் பார்த்தாரே - பெரும்
செல்வம் போல் எமைச் சேர்த்தாரே - உரை --- சொல்