தந்தேன் என்னை

தந்தேன் என்னை இயேசுவே

பல்லவி

தந்தேன் என்னை இயேசுவே

இந்த நேரமே உமக்கே




அனுபல்லவி

உந்தனுக்கே ஊழியஞ் செய்யத்

தந்தேன் என்னைத் தாங்கியருளும் --- தந்தேன்




சரணங்கள்

1. ஜீவ காலம் முழுதும்

தேவ பணி செய்திடுவேன்

பூவில் கடும் போர் புரிகையில்

காவும் உந்தன் கரத்தினில் வைத்து --- தந்தேன்




2. உலகோர் என்னை நெருக்கிப்

பலமாய் யுத்தம் செய்திடினும்

நலமாய் சர்வ ஆயுதம் பூண்டு

நானிலத்தினில் நாதா வெல்லுவேன் --- தந்தேன்




3. உந்தன் சித்தமே செய்வேன்

எந்தன் சித்தம் ஒழித்திடுவேன்

எந்த இடம் எனக்குக் காட்டினும்

இயேசுவே அங்கே இதோ போகிறேன் --- தந்தேன்




4. கஷ்டம் நஷ்டம் வந்தாலும்

துஷ்டர் கூடிச் சூழ்ந்திட்டாலும்

அஷ்டதிக்கும் ஆளும் தேவனே

அடியேன் உம்மில் அமரச் செய்திடும் --- தந்தேன்




5. ஒன்றுமில்லை நான் ஐயா

உம்மாலன்றி ஒன்றும் செய்யேன்

அன்று சீஷர்களுக்களித்த ஆவியால்

இன்றே அடியேனை நிரப்பும் --- தந்தேன்