bhaktarin visvasa jivitam peal ഭക്തരിന് വിശ്വാസ ജീവിതം പോല് ഇത്ര ഭദ്രമാം ജീവിതം വേറെയുണ്ടോ സ്വര്ഗ്ഗ പ

1

ഭക്തരിന്‍ വിശ്വാസ ജീവിതം പോല്‍ ഇത്ര -
ഭദ്രമാം ജീവിതം വേറെയുണ്ടോ? (2)
സ്വര്‍ഗ്ഗ പിതാവിന്‍റെ ദിവ്യ ഭണ്ഡാരത്തെ (2)
സ്വന്തമായ്‌ കണ്ടു തന്‍ ജീവിതം ചെയ്യുന്ന (2) (ഭക്തരിന്‍..)
2
കഷ്ടതയാകും കടും തടവില്‍
ദുഷ്ടലോകം ബന്ധനം ചെയ്യുകില്‍ (2)
ഒട്ടും ഭയമെന്യേ അര്‍ദ്ധരാത്രിയില്‍
സന്തുഷ്ടരായ്‌ ദൈവത്തെ പാടിസ്തുതിക്കുന്ന (2) (ഭക്തരിന്‍..)
3
അഗ്നിമേഘസ്തംഭം തന്നില്‍ ദൈവം
മാറാതെ കാവല്‍ നില്‍ക്കും മരുവില്‍ (2)
അന്നന്നവന്‍ നല്‍കും മന്നയില്‍ തൃപ്തരായ്‌ (2)
അക്കരെ വാഗ്ദാന നാട്ടിന്നു പോകുന്ന (2) (ഭക്തരിന്‍..)
4
അന്യദേശത്ത് പരദേശിയായ്
മന്നിതില്‍ കൂടാര വാസികളായ് (2)
ഉന്നതനാം ദൈവം ശില്പിയായ്‌ നിര്‍മ്മിച്ച (2)
വിണ്‍ നഗരത്തിനായ്‌ കാത്തു വസിക്കുന്ന (2) (ഭക്തരിന്‍..)
5
പാപത്തിന്‍ തല്‍ക്കാല ഭോഗം വേണ്ട
ദൈവ ജനത്തിന്‍റെ കഷ്ടം മതി (2)
മിസ്രയീം നിക്ഷേപ വസ്തുക്കളെക്കാളും (2)
ക്രിസ്തുവിന്‍ നിന്ദയെ സമ്പത്തെന്നെണ്ണുന്ന (2) (ഭക്തരിന്‍..)
6
ബുദ്ധിമുട്ടൊക്കെയും പൂര്‍ണ്ണമായി
ക്രിസ്തുവില്‍ തന്‍റെ ധനത്തിനൊത്ത് (2)
തീര്‍ത്തു തരുന്നൊരു നമ്മുടെ താതന് (2)
സ്തോത്രം പാടീടുവിന്‍ ഹല്ലേലൂയാ ആമേന്‍ (2) (ഭക്തരിന്‍..)


By എം. ഇ. ചെറിയാന്‍