WhatsAppperram ma marannalum marakkatta snehame പെറ്റമ്മ മറന്നാലും മറക്കാത്ത സ്നേഹമേ
പെറ്റമ്മ മറന്നാലും മറക്കാത്ത സ്നേഹമേ
ക്രൂശിതനായവനെ.. നീയെന്നാശ്രയം..
എല്ലാരുമെന്നെപ്പിരിഞ്ഞപ്പോള്‍..
ആലംബമില്ലാതലഞ്ഞപ്പോള്‍..
ഒറ്റയ്ക്കിരുന്നു കരഞ്ഞപ്പോള്‍
നീയെന്‍റെ ആശ്വാസ ധാരയായ് വന്നു..(2)
1
എന്‍.. പ്രിയരെല്ലാം എന്നെ വെറുത്തു
ആഴമേറും മുറിവുകളെന്നില്‍ നല്‍കി..
ഞാന്‍.. ചെയ്യാത്ത കുറ്റം ചുമത്തി
എന്‍ മനസ്സില്‍ ഒരുപാടു വേദന ഏകി
നൊമ്പരത്താലെന്നുള്ളം പുകഞ്ഞു
നീറും നിരാശയില്‍ തേങ്ങി
അപ്പോള്‍ നീയെന്‍റെ കാതില്‍ പറഞ്ഞു
നിന്നെ ഞാന്‍ കൈവെടിയില്ല..(പെറ്റമ്മ..)
2
നിന്‍.. വചനങ്ങളെത്രയോ സത്യം..
ഈ ലോകത്തിന്‍ മായാവിലാസങ്ങള്‍ വ്യര്‍ത്ഥം
ഞാന്‍.. നിന്നോടു ചേരട്ടെ നാഥാ..
നീയാണല്ലോ എന്നെ മറക്കാത്ത സ്നേഹം..
തോരാത്ത കണ്ണീര്‍ മായ്ക്കും യേശുവിന്‍
കുരിശോടു ചേര്‍ന്നു ഞാന്‍ നിന്നു
അപ്പോളവനെന്നെ വാരിപ്പുണര്‍ന്നു
വാത്സല്യ ചുംബനമേകി.. (2) (പെറ്റമ്മ..)