jivitatti vithiyi na vinupeayalum ജീവിതത്തിൻ വീഥിയിൽ ഞാൻ വീണുപോയാലും

ജീവിതത്തിൻ വീഥിയിൽ ഞാൻ വീണുപോയാലും
സ്നേഹിതനാം യേശുവെന്‍റെ കൂടെയുണ്ടല്ലോ (2)
ഇരുൾ നിറയും യാത്രയിൽ ദിശ മറന്നാലും
വെളിച്ചമേകി യേശുവെന്നെ വഴി നടത്തീടും (2)
കൂടെയുണ്ടല്ലോ യേശുവുണ്ടല്ലോ എന്നുമുണ്ടല്ലോ
ദുഃഖവും കഷ്ടവുമെല്ലാം മറന്ന് ആർത്തു പാടിടാം (2)
1

ദേഹമാകെ മുറിവുകളാൽ മൂടിയെന്നാലും
യാത്രികനായ് യേശുവെന്‍റെ ചാരേ വന്നീടും (2)
കൈ പിടിച്ചീടും കോരിയെടുത്തീടും
എന്‍റെ നൊമ്പരങ്ങൾ മാറ്റി സൗഖ്യമേകീടും
സൗഖ്യമേകീടും
കൂടെയുണ്ടല്ലോ യേശുവുണ്ടല്ലോ എന്നുമുണ്ടല്ലോ
ദുഃഖവും കഷ്ടവുമെല്ലാം മറന്ന് ആർത്തു പാടിടാം (ജീവിതത്തിൻ..)
2

ലോകമാകും മുൾപ്പടർപ്പിൽ കുടുങ്ങിയെന്നാലും
കൂട്ടം വിട്ട എന്നെത്തേടി ഇടയൻ വന്നീടും (2)
മാറോടണച്ചീടും ചുംബനമേകിടും
തോളിലേറ്റിയെന്നെയെന്‍റെ കൂടണച്ചീടും
കൂടണച്ചീടും (ജീവിതത്തിൻ..)