WhatsApporu ceru tarakam peal ഒരു ചെറു താരകം പോല്
ഒരു ചെറു താരകം പോല്
ഒരു ചെറു കൈത്തിരി പോല്
വിളങ്ങണം നിനക്കായ്
എന്‍ നാളുകള്‍ തീരും വരെ
1
എന്‍ കുറവുകള്‍ ഓര്‍ക്കാതെ
എന്‍ വീഴ്ചകള്‍ കണക്കിടാതെ
നിന്‍ കൃപകള്‍ ചൊരിഞ്ഞെന്നെ
നിന്‍ പാതെ നടത്തിടണേ
2
പല വിധമാം ശോധനയിന്‍
വലയിന്‍ ഞാന്‍ അകപ്പെടുമ്പോള്‍
വലഞ്ഞിടാതെ നിന്നിടുവാന്‍
ബലമെനിക്കേകിടണേ
3
പെരും താപത്താല്‍ അലഞ്ഞിടുമ്പോള്‍
വെറും നാമമാത്രമായ്‌ തീരുമ്പോള്‍
തിരു കരങ്ങളാല്‍ താങ്ങി എന്നെ
തിരു മാര്‍വോടണച്ചീടണേ
4
എന്‍ താലന്തുകള്‍ അഖിലം
എന്‍ മാനവും ധനവുമെല്ലാം
എന്‍ ജീവിതം സംപൂര്‍ണമായ്‌
നിന്‍ മുന്‍പില്‍ സമര്‍പ്പിക്കുന്നെ