• waytochurch.com logo
Song # 20587

entellam vannalum kar ttavin pinnale എന്തെല്ലാം വന്നാലും കര്ത്താവിന് പിന്നാലെ


എന്തെല്ലാം വന്നാലും കര്‍ത്താവിന്‍ പിന്നാലെ
സന്തോഷമായി ഞാന്‍ യാത്ര ചെയ്യും (2)
1

മിസ്രയീം വിട്ടതില്‍ ഖേദിപ്പാനില്ലൊന്നും
ആശ്വാസദേശമെന്‍ മുന്നിലുണ്ട്
കൈകളാല്‍ തീര്‍ക്കാത്ത വീടുകള്‍ മേടുകള്‍
ഒക്കെയും വാഗ്ദത്ത നാട്ടിലുണ്ട്
2
അബ്രാമിന്‍ യാത്രയില്‍ കൂടെയിരുന്നവന്‍
അവകാശം നല്‍കിയോന്‍ കൂടെയുണ്ട്
ഹാരാനില്‍ യാക്കോബിന്‍ കൂടെയിരുന്നവന്‍
വാഗ്ദത്തം നല്‍കിയോന്‍ കൂടെയുണ്ട്
3
മിസ്രയീം ദേശത്തില്‍ യോസേഫിന്‍ കണ്ണുനീര്‍
കണ്ടവനെന്നോടു കൂടെയുണ്ട്
മിദ്യാനില്‍ മോശെയ്ക്കു സങ്കേതമായവന്‍
ഹോരേബില്‍ നിന്നവന്‍ കൂടെയുണ്ട്
4
ചെങ്കടല്‍ തീരത്തു മോശെയിന്‍ കണ്ണുനീര്‍
കണ്ടവനെന്നോടു കൂടെയുണ്ട്
ആറു നൂറായിരമായോരു കൂട്ടത്തെ
ചിറകില്‍ വഹിച്ചവന്‍ കൂടെയുണ്ട്
5
സ്വര്‍ഗ്ഗീയ മന്നായെ കൊണ്ടു തന്‍ ദാസരെ
പോറ്റിപ്പുലര്‍ത്തിയോന്‍ കൂടെയുണ്ട്
പാറയില്‍ നിന്നുള്ള ശുദ്ധജലം കൊണ്ട്
ദാഹം ശമിപ്പിച്ചോന്‍ കൂടെയുണ്ട്
6
യെരിഹോ മതിലുകള്‍ തട്ടിത്തകര്‍ത്തവന്‍
ചെങ്കടല്‍ വറ്റിച്ചോന്‍ കൂടെയുണ്ട്
ബാലിന്‍റെ സേവകന്മാരെ നശിപ്പിച്ച
ഏല്യാവിന്‍ ദൈവമെന്‍ കൂടെയുണ്ട്
7
കാക്കയെക്കൊണ്ടു തന്‍ ദാസനെപ്പോറ്റുവാന്‍
ശക്തനായ്തീര്‍ന്നവന്‍ കൂടെയുണ്ട്
എന്നെ വിളിച്ചവന്‍ എന്നെ രക്ഷിച്ചവന്‍
ഇന്നാളും എന്നോടു കൂടെയുണ്ട്
8
ഒരുനാളും എന്നെ ഉപേക്ഷിക്കയില്ലെന്ന്
പരമാര്‍ത്ഥമായവന്‍ ചൊല്ലീട്ടുണ്ട്
ആകാശം ഭൂമിയുമാകെയൊഴിഞ്ഞാലും
ആയവന്‍ വാക്കിനു ഭേദമില്ല (എന്തെല്ലാം വന്നാലും..)

  • title
  • Name :
  • E-mail :
  • Type

© 2019 Waytochurch.com