iravin irulati vegam marayukayay ഇരവിന് ഇരുളതി വേഗം മറയുകയായ്

ഇരവിന്‍ ഇരുളതി വേഗം മറയുകയായ്‌
പുതിയൊരു പുലരിക്കതിരൊളി വാനില്‍ തെളിയുകയായ്‌ (൨)
നീതി സൂര്യനായ്‌ നാഥനുദിച്ചീടും
കദന തുഷാരം താനേ മാറിടും (൨) (ഇരവിന്‍..)
1

അസ്ഥികളാകെ നുറുങ്ങിപ്പോയാലും
അഗ്നിയിലാവൃതനായി മരിച്ചാലും (൨)
പൊരുതും പ്രിയനായ്‌ വിരുതിന്‍ നിറവായ്‌ (൨)
കരുമനയഖിലവും ഒരുദിനമകന്നിടും
അതിമോദമവനരുളും (ഇരവിന്‍..)
2

വൈരമണിഞ്ഞൊരു ജീവകിരീടം ഞാന്‍
ദൂരെ ദൂരെ കാണുന്നിന്നു ഞാന്‍ (൨)
വിരവില്‍ അണയും തിരു സന്നിധിയില്‍ (൨)
സുരവരനിരയൊരു പുതുഗാനത്തിന്‍
പല്ലവി പാടീടും (ഇരവിന്‍..)