WhatsAppanandamuntenikkanandamuntenikkesu maharaja sannidhiyil ആനന്ദമുണ്ടെനിക്കാനന്ദമുണ്ടെനി
ആനന്ദമുണ്ടെനിക്കാനന്ദമുണ്ടെനി-
ക്കേശു മഹാരാജ സന്നിധിയില്‍
1
ലോകം എനിക്കൊട്ടും ശാശ്വതമല്ലെന്നെന്‍
സ്നേഹം നിറഞ്ഞേശു ചൊല്ലീട്ടുണ്ട്
സ്വര്‍ലോക നാട്ടുകാര്‍ക്കിക്ഷിതിയില്‍ പല
കഷ്ട സങ്കടങ്ങള്‍ വന്നീടുന്നു (ആനന്ദ..)
2
കര്‍ത്താവെ നീ എന്‍റെ സങ്കേതമാകയാല്‍
ഉള്ളില്‍ മനഃക്ലേശം ലേശമില്ല
വിശ്വാസക്കപ്പലില്‍ സ്വര്‍ല്ലോകം ചേരുവാന്‍
ചുക്കാന്‍ പിടിക്കണേ പൊന്നു നാഥാ (ആനന്ദ..)
3
കൂടാര വാസികളാകും നമുക്കിങ്ങു
വീടെന്നോ നാടെന്നോ ചൊല്‍വാനെന്ത്?
കൈകളാല്‍ തീര്‍ക്കാത്ത വീടൊന്നു താതന്‍ താന്‍
മേലെ നമുക്കായി വെച്ചിട്ടുണ്ട് (ആനന്ദ..)
4
ഭാരം പ്രയാസങ്ങളേറും വനദേശ-
ത്താകുലം ആത്മാവില്‍ വന്നീടുകില്‍
പാരം കരുണയുള്ളീശന്‍ നമുക്കായി-
ട്ടേറ്റം കൃപ നല്‍കി പാലിച്ചീടും (ആനന്ദ..)
5
കര്‍ത്താവേ നീ വേഗം വന്നീടണേ ഞങ്ങള്‍-
ക്കോര്‍ത്താല്‍ ഇക്ഷോണിയില്‍ മഹാ ദുഃഖം
എന്നാലും നിന്‍മുഖ ശോഭയതിന്‍ മൂലം
സന്തോഷ കാന്തി പൂണ്ടാനന്ദിക്കും (ആനന്ദ..)