WhatsAppvaarum siluvaiyadiyilae வாரும் சிலுவையடியிலே
பல்லவி
வாரும் சிலுவையடியிலே – வந்தண்ணலேசை
பாரும் துயர் நீங்கிடவே
அனுபல்லவி
பூரண இரட்சையடைந்து புண்ணியன் கிருபை பெற்று
தாரணியிலும் மகிழ்ந்து வாழ அவரில் ஜீவித்து
சரணங்கள்
1. இம்மைச்செல்வம் அற்பமென்றெண்ணி – அவர் விலாவில்
விம்மிப்பாயும் இரத்தத்தில் மூழ்கி
செம்மையாய்க் கழுவப்பட்டு சீர்முழு இரட்சையைப் பெற்று
உண்மையா யவருந்தனின் உள்ளத்தில் வாழ்ந்திட வென்று – வா
2. ஜீவ ஊற்றில் வந்து மூழ்கிடும் – அப்போதும் உள்ளம்
பாவ மற்று சுத்தி பெற்றிடும்
தேவசுதன் திரு இரத்தம் மூழ்க முழு இரட்சைவரும்
ஆவலோடு அவரை நீர் தேடி இதோ வந்துவிடும்! – வா
3. சேரும் இரட்சண்யப் படையிலே – தைரிய மடைய
வாரும் யுத்த முன்னணியிலே!
ஜீவித்திடும் வெளிச்சத்தில் சுத்தி நீர் ஆசிப்பீராகில்
கூவியவரைக் கெஞ்சும் பூர்ண இரட்சை வேண்டுமாகில் – வா
4. பரிசுத்தம் வேண்டுமாகில் நீர் – பாரச் சிலுவை
பற்றி அதை விட்டிடாதேயும்
பூலோக ஐசுவரியம் பூவைப்போல் வாடிடுமென்று
மேலவன் பாதத்தைத் தேடும்; மேன்மை சுத்திதனை நாடும்! – வா