எனக்கொத்தாசை வரும்

எனக்கொத்தாசை வரும்

பல்லவி

எனக்கொத்தாசை வரும் பர்வதம் நேராய்

என் கண்களை ஏறெடுப்பேன்




சரணங்கள்

1. வானமும் பூமியும் படைத்த

வல்ல தேவனிடமிருந்து

எண்ணுக்கடங்கா நன்மைகள் வருமே

என் கண்கள் ஏறெடுப்பேன் --- எனக்




2. மலைகள் பெயர்ந்தகன்றிடினும்

நிலைமாறி புவியகன்றிடினும்

மாறிடுமோ அவர் கிருபை எந்நாளும்

ஆறுதல் எனக்கவரே --- எனக்




3. என் காலைத் தள்ளாட வொட்டார்

என்னைக் காக்கும் தேவன் உறங்கார்

இஸ்ரவேலைக் காக்கும் நல் தேவன்

இராப்பகல் உறங்காரே --- எனக்




4. வலப்பக்கத்தில் நிழல் அவரே

வழுவாமல் காப்பவர் அவரே

சூரியன் பகலில் சந்திரன் இரவில்

சேதப்படுத்தாதே ---எனக்




5. எத்தீங்கும் என்னை அணுகாமல்

ஆத்துமாவைக் காக்குமென் தேவன்

போக்கையும் வரத்தையும் பத்திரமாக

காப்பாரே இது முதலாய் ---எனக்