எனக்கேன் இனி பயமே எனக்கேன் இனி பயமே எந்தன் இயேசு என் துணையே

உண்மையாய் என்னையும் நேசித்தார்

உள்ளங்கையில் என்னை வரைந்தார்

அவர் அறியாதொன்றும் வந்ததில்லை

அவரையே சார்ந்து கொண்டேன் - எனக்கேன்
கர்த்தரோடிசைந்தே நடந்தேன்

கிருபை சமாதானம் ஈந்தார்

விசுவாசத்தால் நானும் பிழைத்ததால்

விரும்பி என்னை அணைத்தார் - எனக்கேன்
யுத்தங்கள், துன்பங்கள் சந்தித்தும்

யோர்தான் நதி புரண்டு வந்தும்

எலியாவின் தேவன் என் ஜெபங்களை

ஏற்று பதில் அளித்தார் - எனக்கேன்
இத்தனை அற்புத நன்மைகள்

கர்த்தன் செய்ததை நினைத்திடுவேன்

இதுவரை வழி காட்டி நடத்தினார்

இன்னமும் காத்திடுவார் - எனக்கேன்
உலகம் முடியும் வரையும்

உந்தனோடிருப்பேன் என்றவர்

மகிமையில் சேர்ப்பாரே நம்பிக்கையில்

மேன்மை பாராட்டுகிறேன் - எனக்கேன்