WhatsAppJakanaathaa Kuruparanaathaa ஜகநாதா குருபரநாதா திரு
ஜகநாதா, குருபரநாதா, திரு
அருள் நாதா, ஏசுபிரசாதா நாதா!
திகழுறுந் தாதா, புகழுறும் பாதா,
தீதறும் வேத போதா! — ஜகநாதா
1. முற்காலம் ஆதிமைந்தர் மோசப் பிசாசு தந்திர
மொய் கொண்டு கனியுண்ட பழியாலோ?
நற்காலம் நீ தெரிந்து, நவின்ற வண்ணம் பரிந்து,
நரதேவனாக வந்தாய் மொழியாலோ? — ஜகநாதா
2. எளிய கோலம் தரித்தே இங் கவதிரித்தாலும்,
இமையோர் வந்திறைஞ்சிடத் தெரிந்தாயே,
ஒளி செய்யும் பணிமுடி உயர் மன்னர் தொழும்படி
உடு வழி காட்டிடப் புரிந்தாயே — ஜகநாதா
3. அருந் தவன் கையில் தங்கி, அன்பின்பக் கடல் பொங்கி,
ஆலயத்தில் துதிக்க களித்தாயே,
வரும் தவ மதியால் முன் மற மன்னன் தேடிட, உன்
மலர் முகங் காட்டாமல் ஒளித்தாயே — ஜகநாதா
4. மக்கள் உளக் களங்கம் மாசற்றொளி விளங்க,
மதுரபரசங்கம் யார்க்கும் உரைத்தாயே;
சிக் கடர் துன் மனத்தைத் திருத்தி, அறத்தின் வித்தை
திருத் தயை கூர்ந் தெவர்க்கும் விதைத்தாயே — ஜகநாதா
5. தனையர் வல் நோயைக்கண்ட தாயார் மருந்துட் கொண்ட
தகைமை எனப் பேரன்பு கூர்ந்தாயே;
வினையர் வெம் பாவக் கேடு விலக அரிய பாடு
மேவி அனுபவிக்க நேர்ந்தாயே — ஜகநாதா
6. அமரர் முற்றும் அறியார், அடிகள் சற்றும் அறியார்,
ஆர் உன் திறல் அறிவார், கர்த்தாவே?
எமது பவம் பொறுத்தே, இரக்கம் எம்மேல் உகுத்தே,
எமைப் புரந்தாளும், மானப் பர்த்தாவே — ஜகநாதா
jakanaathaa, kuruparanaathaa, thiru
arul naathaa, aesupirasaathaa naathaa!
thikalurun thaathaa, pukalurum paathaa,
theetharum vaetha pothaa! — jakanaathaa
1. murkaalam aathimainthar mosap pisaasu thanthira
moy konndu kaniyunnda paliyaalo?
narkaalam nee therinthu, navinta vannnam parinthu,
narathaevanaaka vanthaay moliyaalo? — jakanaathaa
2. eliya kolam thariththae ing kavathiriththaalum,
imaiyor vanthirainjidath therinthaayae,
oli seyyum pannimuti uyar mannar tholumpati
udu vali kaattidap purinthaayae — jakanaathaa
3. arun thavan kaiyil thangi, anpinpak kadal pongi,
aalayaththil thuthikka kaliththaayae,
varum thava mathiyaal mun mara mannan thaetida, un
malar mukang kaattamal oliththaayae — jakanaathaa
4. makkal ulak kalangam maasattaொli vilanga,
mathuraparasangam yaarkkum uraiththaayae;
sik kadar thun manaththaith thiruththi, araththin viththai
thiruth thayai koorn thevarkkum vithaiththaayae — jakanaathaa
5. thanaiyar val nnoyaikkannda thaayaar marunthut konnda
thakaimai enap paeranpu koornthaayae;
vinaiyar vem paavak kaedu vilaka ariya paadu
maevi anupavikka naernthaayae — jakanaathaa
6. amarar muttum ariyaar, atikal sattum ariyaar,
aar un thiral arivaar, karththaavae?
emathu pavam poruththae, irakkam emmael ukuththae,
emaip puranthaalum, maanap parththaavae — jakanaathaa