விசுவாசத்தாலே நாமும் பிழைப்போம் பசுமை செழிப்புடன் வாழ்வோம்

கர்த்தரைக் கண்டு விசுவாசிப்பதிலும்

காணாமல் நம்பினால் பாக்கியமே

தரிசித்தல்ல வசிக்கும் கர்த்தருக்குள்

தங்கி நம்மில் வசிக்கும் கர்த்தருக்குள்

பரிசுத்தாவியிலே மகிழ்ந்து நாம்

பூரண மகிமை அடைவோம் - விசுவாசத்தாலே
வீரர்களாக நின்றிடுவோமே

விசுவாச சோதனை நேர்ந்திடினும்

பொன்னைப் போல் நெருப்பில் புடமிட்ட போதும்

புகழ்ச்சி கனம் மகிமை கிடைக்குமே

பரமன் வெளிப்படும் நாளில் - விசுவாசத்தாலே
ஆபிரகாமில் விசுவாச மார்க்கம்

அந்த அடிச்சுவட்டில் நடப்போர்

வாழ்வினில் நீதி கிறிஸ்துவின் மூலம்

வாக்குத்தத்த ஆசீர்வாத நன்மைகள்

ஜெயத்தின் மேல் ஜெயங்கொண்டு பக்தர்கள்

சந்ததம் சுதந்தரிப்போம் - விசுவாசத்தாலே
தேவ குமாரன் வந்திடும் நாளில்

தூய விசுவாசத்தோடு பறப்போம்

மூலைக்கல் இயேசு திட அஸ்திபாரம்

மாளிகையாய் அவர் மேல் இணைந்து நாம்

பரம அழைப்புடனே சீயோனில்

பிதாவின் முகம் கண்டு வாழ்வோம் - விசுவாசத்தாலே