வழி நடத்தும் வல்ல தேவன் வாழ்வில் நாயகனே வாழ்வில் நாயகனே நம் தாழ்வில்

பரதேசப் பிரயாணிகளே நாம் வாழும் பாரினிலே

பரமானந்தத்தோடே செல்வோம்

பரமன் நாட்டினிற்கே - இயேசு

பரன் தம் வீட்டினிற்கே - வழி
போகும் வழியை காட்டி நல்ல போதனை செய்வார்

ஏகும் சுத்தர் மீது கண்கள்

இருத்தி நடத்துவார் - இயேசு

திருத்தி நடத்துவார் - வழி
அந்தகார சக்திகள் எம்மை அணுகிடாமலே

சொந்தமான தம் ஜனத்தை

சூழ்ந்து காப்பாரே - இயேசு

துணையாய் நிற்பாரே - வழி
வாதை நோய்கள் வன்துன்பங்கள் வருத்தியபோதும்

பாதையில் நாம் சோர்ந்திடாமல்

பலப்படுத்திடுவார் - இயேசு

திடப்படுத்திடுவார் - வழி
காடானாலும் மேடானாலும் கடந்து சென்றிடுவோம்

பாடானாலும் பாடிச் செல்வோம்

பரவசமுடனே - இயேசு

பரன்தான் நம்முடனே - வழி
அன்றன்றுள்ள தேவை தந்து ஆதரிப்பாரே

என்றென்றும் துதிகனமும்

மகிமையவர்க்கே - இயேசு

மகிபனாமவர்க்கே - வழி