மேக மீதினில் வேகமுடன் மேசியா ஏசுவே வந்திடுவார்

மின்னலைப் போன்ற பேரொளியில்

மத்திய வானில் தோன்றிடுவார்

எண்ணிலடங்கா பக்தர்களும்

விண் தூத சேனை சூழ்ந்திடவே - மேக
யூதர்கள் கூடி சேர்ந்தனரே

வேதமும் நிறைவேறிடுதே

இவ்வடையாளம் நோக்கிடுவோம்

இயேசுவின் நாளை சந்திக்கவே - மேக
தாமதம் ஏனோ தம் வருகை

தீவிரம் வந்தால் தம் நிலமை

காகள சத்தம் கேட்டிடுமோ

கர்த்தரைக் காண ஆயத்தமா - மேக
காலம் இனியும் சென்றிடாதே

காலையோ மாலை இராவினிலோ

நாம் நினையாத நேரத்திலோ

நம்மையும் கர்த்தர் தாம் அழைப்பார் -மேக
இந்த கடைசி காலத்திலே

இப்புவி இன்பம் தள்ளிடுவோம்

பாரங்கள் யாவும் நீக்கிடுவோம்

பேரின்ப இராஜ்யம் சேர்ந்திடுவோம் - மேக
கண்விழிப்போடு நாம் ஜெபிப்போம்

கர்த்தருக்காக காத்திருப்போம்

ஆனந்தமான நாள் நெருங்க

ஆர்ப்பரிப்போடு சென்றிடுவோம் - மேக