பிரசன்னம் தாரும் தேவனே உந்தன் சமூகம் தாருமே

பக்தர்கள் போற்றும் நாதா

பரிசுத்த தேவன் நீரே

கேரூபீன் சேராபீன் துதி பாடிடும்

பரனே நின்பாதம் பணிகின்றோம் - பிர
நீரல்லால் இந்தப் பாரில்

தஞ்சம் வேறாருமில்லை

உந்தனின் சமூகத்தால் இளைப்பாறிட

சந்ததம் உம் அருள் ஈந்திடுமே - பிர
நல் மேய்ப்பர் இயேசு தேவா

துன்பங்கள் நீக்கிடுமே

ஆதி அன்பு என்னில் குன்றிடாமல்

நிலைக்க நல் அருள் தந்திடுமே - பிர
தேவனே உந்தன் சமூகம்

முன் செல்ல வேண்டுகிறேன்

பேரின்பம் எந்நாளும் பொங்கிடவே

உம்மில் மகிழ்ந்து நான் ஆனந்திப்பேன் - பிர
வானத்தில் தோன்றும் நாளில்

உம்மைப் போல் மாறிடவே

ஆவி ஆத்மா தேகம் மாசற்றதாய்

காத்திட கர்த்தரே கெஞ்சுகின்றோம் - பிர