பல்லவி இயேசு பாலனாய் பிறந்தார்

உன்னதத்தில் தேவ மகிமை

புமியிலே சமாதானமும்

மானிடரில் பிரியம் உண்டாவதாக

என்று தேவதூதர் பாடிட - இயேசு
விண்ணை வெறுத்த இம்மானுவேல்

விந்தை மனுடவதாரமாய்த்

தம்மைப் பலியாகத் தந்த ஒளி இவர்

தம்மைப் பணிந்திடுவோம் வாரும் - இயேசு
ஓடி அலைந்திடும் பாவியைத்

தேடி அழைக்கும் இப்பாலகன்

பாவங்களின் நாசர் பாவிகளின் நேசர்

பாதம் பணிந்திடுவோம் வாரும் - இயேசு
கைகள் கட்டின தேவாலயம்

கர்த்தர் தங்கும் இடமாகுமோ

நம் இதயமதில் இயேசு பிறந்திட

நம்மை அளித்திடுவோம் வாரும் - இயேசு
அன்பின் சொரூபி இப்பாலனே

அண்டி வருவோரின் தஞ்சமே

ஆறுதலளித்து அல்லல் அகற்றிடும்

ஆண்டவரைப் பணிவோம் வாரும் - இயேசு