சவாலை சந்திக்க புறப்படு நீ தாமதமினியேன் தருணமிதே

திறப்பில் நிற்க ஒரு தியாகி தேவை

இறப்பின் எண்ணிக்கை பெருகிடுதே

இழந்த ஆத்துமாவின் பொறுப்பை

உந்தன் கையில் கேட்பாரே - சவாலை
புதைந்த விதை தன் பலனைத் தரும்

மறைந்த ஜீவியம் கனி கொடுக்கும்

கிறிஸ்து முன்னே உலகம் பின்னே

என்ற எண்ணம் உன்னிலுண்டோ - சவாலை
கடந்த நாட்கள் வீணானதே

கணக்குக் கொடுக்கும் நேரமிதே

இருக்கும் நாட்களோ பொன்னானதே

இயேசுவுக்காக நீ இலாபமாக்கு - சவாலை
உடைந்த உள்ளம் விரும்பும் கர்த்தர்

நொறுங்கும் ஆவியை பலியாய் ஏற்பார்

ஆத்ம பாரம் கொண்ட நெஞ்சம்

ஆண்டவர் இயேசுவின் இருப்பிடமே - சவாலை