கலங்காதே திகையாதே கர்த்தர் நம்மை விடுவிப்பாரே

துன்பப் புயல் வீசும் போதும்

துயர் அலைகள் எழும்பும் போதும்

துன்பத்தில் இன்பம் துணைவர் நம் இயேசுவே

துதித்து நாம் பாடிடுவோம் - தேவன்
சத்திய வார்த்தையின் வல்லமையால்

சாத்தானை ஜெயித்திட கிருபை தந்தார்

உன்னதர் இயேசுவின் சேவையிலே நாம்

உண்மையாய் உழைத்திடுவோம் - தேவன்
பரிசுத்த அன்பினில் வளர்ந்திடவே

பரிசுத்த ஆவியை பெற்றிடுவோம்

அக்கினி அபிஷேகம் பெற்றிடவே

அவரையே பற்றிக் கொள்வோம் - தேவன்
தேவாதி தேவன் வருகின்றாரே

வேகமாய் நாமும் சென்றிடவே

வேதத்தை அனுதினம் வாசித்து ஜெபித்து

வேகமாய் பறந்திடுவோம் - தேவன்