கர்த்தர் மேல் நம்பிக்கை வைப்பவனும் கர்த்தரை தஞ்சமாக கொண்டவனும்

கர்த்தரின் வழிகளில் நடப்போனும்

கர்த்தரில் உத்தமமாய் ஜீவிப்போனும்

அளவில்லாத கிருபைகள் பெறுவான்

அவனே என்றும் பாக்கியவான் - பரிசுத்தர்
உம்மிலே பெலன் கொள்ளும் மனுஷனும்

உள்ளத்தில் செவ்வை வழி கொண்டவனும்

உன்னதர் அன்பினில் பூரணமடைவான்

உண்மையிலவன் பாக்கியவான் - பரிசுத்தர்
சோதனையை தினம் சகிப்போனும்

சோதித்தறிந்த பின்பு உத்தமனும்

வாடிடாத ஜீவ கிரீடத்தை பெறுவான்

வானிலே யவன் பாக்கியவான் - பரிசுத்தர்
அன்பில் பரிசுத்தமுள்ளவனும்

ஆவியில் எளிமையுமானவனும்

சுத்தாங்கம் இருதயத்தில் பெற்றவனெவனும்

சுத்தர் இயேசுவை போலாவான் - பரிசுத்தர்