கர்த்தர் என்னை விசாரிப்பவர் கர்த்தர் என்னை ஆதரிப்பவர்

பெயர் சொல்லி கூப்பிட்டு என்னை

அவர் நித்தம் நடத்தி செல்லுவதால்

எந்தன் கவலை பாரத்தை முற்றும்

அவர் மீது வைத்திடுவேன் - நான் - கர்த்தர்
எந்தன் தலையின் முடிகளெல்லாம்

உன்னதரே எண்ணி வைத்துள்ளார்

அவரின் உத்தரவில்லா தொன்றும்

கீழே விழாது என்று அறிவேன் - நான் - கர்த்தர்
தேவன் எந்தன் பட்சத்தில் இருக்க

மனிதன் எனக்கு என்ன தான் செய்வான்

எந்தன் கண்ணீரை தம் துருத்தியில்

அவரின் கணக்கில் வைத்துள்ளாரல்லோ - கர்த்தர்
வலது கரத்தை பிடித்து என்னையும்

உனது துணை நான் என்று சொல்லி

வழக்காடுவார் அனைவரையுமே

வெட்கப்பட்டு போக செய்வாரே - கர்த்தர்
தேவன் தமது ஐஸ்வரியத்தினால்

எந்தன் குறைகளை எல்லாமே

கிறிஸ்து ஏசுவுக்குள் மகிமையில்

நிறைவாக்குவாரே கவலை ஏன்? - கர்த்தர்