ஒப்புவித்தேன் ஐயனே உம் சித்தம் செய்ய தந்தேனே

சுட்டெரிக்கும் அக்கினியாய்

சுத்திகரித்தெம்மை மாற்றிடுமே

ஆவி ஆத்துமா சரீரமே

ஆத்தும நேசரே பiக்கின்றேன் - ஒப்பு
கண்ணீர் கவலை பெருகுதே

கர்த்தர் தம் வாக்காலே தேற்றிடுமே

உலக சிநேகம் பின்னே வைத்தே

உறுதியாக பின் சென்றிட - ஒப்பு
அத்திமரம் துளிர் விடாமல்

ஆஸ்திகள் யாவும் அழிந்திடினும்

கர்த்தர் தம் அன்பை விட்டு நீங்கா

தூய கிருபை தந்தருளும் - ஒப்பு
எந்தனின் சிந்தை முன்னறிவீர்

எந்தனின் பாதை நீர் அறிவீர்

நல்ல பாதை நடந்திட

நாதனே என்னையும் அர்ப்பணித்தேன் - ஒப்பு
காடு மலைகள் போன்ற இடம்

கண்டு என்றும் அஞ்சிடாமல்

அழியும் ஆத்தும தரிசனம்

ஆண்டவா என்னிலே ஈந்தருளும் - ஒப்பு
சோதனை எம்மை சூழ்ந்திடினும்

சோர்ந்திடா உள்ளம் தந்தருளும்

ஜீவக்கிரீடம் முன்னே வைத்தே

ஜீவிய காலம் நடந்திட - ஒப்பு