எந்தன் இயேசுவே உந்தன் நேசமே எந்தன் உள்ளம் உருக்கிடுதே

அந்த மாது கண்களின் நீரை

அன்பரே உன் பாதம் ஊற்றினாளே

என் இதயமே தைலக்குப்பியே

என்னை நொறுக்கி ஒப்படைத்தேன்! - எந்தன்
நன்றி என்றும் நான் மறவேனே

நம்பிக்கை கன்மலை என் இறைவா

எந்தன் துணை நீர் என்னை அறிவீர்

எந்தன் பாதம் தாங்கிடுவீர் - எந்தன்
உம்மையன்றி ஆதரவில்லை

உம் முகமே எனக்காறுதலே

கைவிடாமல் காக்கும் கரமே

கண்கள் அதனை நோக்கிடுதே - எந்தன்
மெய் விஸ்வாச பாதையில் செல்ல

மேன்மை மிகும் அழைப்பை அளித்தீர்

அன்பு, தயவு, ஞானம், பொறுமை

இன்னும் கிருபை ஈந்திருளும் - எந்தன்
கேட்டதெல்லாம் அன்புடன் ஈந்தீர்

கூப்பிடும் வேளை செவிசாய்த்தீர்

இந்த உதவி என்றும் மறவேன்

இன்ப துதிகள் ஏறெடுப்பேன் - எந்தன்
எந்தன் மேன்மை சிலுவையல்லால்

ஏதுமில்லை இந்தப் பாரினிலே

உந்தனுடனே என்னை அறைந்தேன்

உந்தன் குருசில் பங்கடைந்தேன் - எந்தன்
இலக்கை நோக்கி ஓடுகின்றேனே

இலாபமும் நஷ்டமென்றென்ணுகின்றேன்

ஒன்றே மனதில் உண்டு நினைவில்

சென்றே பரனைக் கண்டிடுவேன் - எந்தன்