இறுதி இராப்போஜன விருந்திலே இரட்சகர் வீற்றிருந்தார்

அப்பமதை எடுத்தவர்

ஆசீர் வதித்ததை பிட்டுத் தந்தார்

எந்தன் சரீரம் இதுவே புசிப்பீர்

என்றே பரிமாறினார் -இறுதி
பாத்திரத்தில் நவரசம்

பாவத்தைக் கழுவின தூய இரத்தம்

இரட்சண்ய புது உடன்படிக்கையை

இதைப் பானம் பண்ணினர் - இறுதி
அரையிலே சீலை கட்டி

அன்பரின் பாதங்கள் கழுவினார்

மாதிரியாகக் காண்பித்த தியாகம்

மாறாமல் பின் பற்றுவோம் - இறுதி
மூழ்கினவன் பாதங்களை

மீண்டுமாய் கழுவியே சுத்தஞ்செய்தார்

ஆயத்தமில்லா அவிசுவாசிகள்

அன்பின் விருந்தில் இல்லை - இறுதி
அன்பின் சீஷன் ஆறுதலாய்

அண்ணலின் மார்பினில் சாய்ந்திருந்தான்

துரோகியாம் யூதாÞ துணிக்கையும் வாங்கி

தீவிரம் போய் மறைந்தான் - இறுதி
சரீரமாம் சபையிலே

சத்திய ஆவியால் இணைத்தாரே

நன்றியும் பொங்க நிலைத்து நின்றாலோ

நற்கருணை ஈகுவார் - இறுதி
கபடற்ற மனதுடன்

கிறிÞதுவின் மன்னிக்கும் சிந்தையுடன்

சந்தோஷமாக சமாதானமாக

பந்தியில் பங்கடைவோம் - இறுதி
பக்தரோடே சீயோனிலும்

பிதாவின் இராஜ்ஜிய பந்தியிலும்

வாஞ்சையாய் நாமும் வருகையில்

விரைந்து சேர்ந்து கொள்வோம் - இறுதி