அன்பு நேசரே அதிகாலையில் உம் திருமுகம் தேடி அர்ப்பணித்தேன் என்னையே

இந்த நாளின் ஒவ்வொரு நிமிடமும்

உந்தன் நினைவால் நிரம்ப வேண்டும் (2)

என் வாயின் வார்த்தை எல்லாம்

பிறர் காயம் ஆற்ற வேண்டும் (2) - ஆராதனை
உந்தன் ஏக்கம் விருப்பம் எல்லாம்

என் இதயத் துடிப்பாக மாற்றும் (2)

என் ஜீவ நாட்கள் எல்லாம்

ஜெப வீரர் என்று எழுதும் (2) - ஆராதனை
சுவிசேஷ பாரம் ஒன்றே

என் சுமையாக மாற வேண்டும் (2)

என் தேச எல்லையெங்கும்

உம் நாமம் சொல்ல வேண்டும் (2) - ஆராதனை
உமக்குகந்த தூய பலியாய்

இந்த உடலை ஒப்புக் கொடுத்தேன் (2)

ஆட்கொண்டு என்னை நடத்தும்

அபிஷேகத்தாலே நிரப்பும் (2) - ஆராதனை