chaethuleththi vmdhanamulu chaచేతులెత్తి వందనములు చేతు మిపుడ
Chords: ragam: ముఖారి-mukhaari
చేతులెత్తి వందనములు చేతు మిపుడే యేసు నీకు రాతిరి పగ లందు
మముఁ బ్రీతితోఁ గాపాడు యేసు ||చేతు||
1. సుఖమైనట్టి నిద్ర మమ్ము నొందఁజేసి రాత్రియందు సకల మేలు లంద
జేయు స్వామి యేసుక్రీస్తూ నీకుఁ ||చేతు||
2. అన్నవస్త్రములను మాకు నన్ని వేళలందు నిచ్చి కన్న తండ్రివలెను
బెంచు చున్న యేసుస్వామీ నీకే ||చేతు||
3. విద్యా బుద్ధులన్ని యిచ్చి వింత వింత వరము లిచ్చి పెద్దల
దయలోనుమమ్ముఁ బెంపారఁ జేయు మేసయ్యా ||చేతు||
4. చిన్నవారి స్నేహితుడుగ నున్న యేసుస్వామీ నీకు ఎన్నో వేల స్తోత్రంబులు
నిలలో నెపుడు కలుగుగాక ||చేతు||