kreesthae sarvaadhikaari kreesక్రీస్తే సర్వాధికారి క్రీస్తే
క్రీస్తే సర్వాధికారి క్రీస్తే మోక్షాధికారి
క్రీస్తే మహోపకారి క్రీస్తే ఆ సిల్వధారి ||
1. ముక్తి విధాతనేత శక్తి నొసంగుదాత
భక్తి విలాపశ్రోత పరమంబు వీడె గాన ||క్రీ||
2. దివ్యపథంబురోసి దైవంబు తోడుబాసి
దాసుని రూపుదాల్చి ధరణి కేతెంచెగాన ||క్రీ||
3. శాశ్వత లోకవాసి సత్యామృతంపురాశి
శాప భారంబు మోసి శ్రమల సహించెగాన ||క్రీ||
4. సైతాను జనము గూల్పన్ పాతాళమునకు బంపన్
నీతి పథంబు బెంప రుధిరంబు గార్చెగాన ||క్రీ||
5. మృత్యువు ముల్లు తృంపన్ నిత్యజీవంబు బెంపన్
మర్త్యాళిభయము దీర్పన్ మరణంబు గెలిచెగాన ||క్రీ||
6. పరమందు దివిజులైన ధరయందు మనుజులైన
ప్రతి నాలుక మోకాలు ప్రభునే భజించుగాన ||క్రీ||
7. ఈ నామమునకు మించు నామంబు లేదటంచు
యెహోవా తండ్రి యేసున్ హెచ్చించినాడు గాన ||క్రీ||