యేసయ్యా నా ప్రాణమా

యేసయ్యా నా ప్రాణమా


యేసయ్యా నా ప్రాణమా - ఘనమైన స్తుతిగానమా -2
అద్భుతమైన నీ ఆదరణే - ఆశ్రయమైన నీ సంరక్షణయే
నను నీడగా వెంటాడెను - నే ఆలయక నడిపించెను
నా జీవమా - నా స్తోత్రమా - నీకే ఆరాధన
నా స్నేహమా - సంక్షేమమా - నీవే ఆరాధ్యుడా

చిరకాలము నాతో ఉంటానని - క్షణమైనా వీడిపోలేదని
నీలో ననుచేర్చుకున్నావని - తండ్రితో ఏకమై ఉన్నామని
ఆనందగానము నే పాడనా -2
ఏదైనా నాకున్న సంతోషము - నీతోనే కలిగున్న అనుబంధమే -2
సృజనాత్మకమైన నీ కృప చాలు - నే బ్రతికున్నది నీ కోసమే -2

జీవజలముగా నిలిచావని - జలనిధిగా నాలోఉన్నావని
జనులకు దీవెనగా మార్చావని - జగతిలో సాక్షిగా ఉంచావని
ఉత్సాహగానము నే పాడనా -2
ఏదైనా నీ కొరకు చేసేందుకు - ఇచ్చితివి బలమైన నీ శక్తిని -2
ఇదియే చాలును నా జీవితాంతము - ఇల నాకన్నియు నీవేకదా - 2

మధురము కాదా నీ నామధ్యానం - మరుపురానిది నీ ప్రేమమధురం
మేలుచేయుచు ననునడుపువైనం - క్షేమముగా నా ఈలోకపయనం
స్తోత్రగీతముగా నే పాడనా -2 నిజమైన అనురాగం చూపావయ్యా -
స్థిరమైన అనుబంధం నీదేనయ్యా -2
స్తుతుల సింహాసనం నీ కొరకేగా - ఆసీనుడవై ననుపాలించవా -2

స్తుతిపాత్రుడా - స్తోత్రార్హుడా నీకే ఆరాధన
ఆనందమే పరమానందమే - నీలో నా యేసయ్యా