കോടമഞ്ഞും പൂനിലാവും

കോടമഞ്ഞും പൂനിലാവും
കോടി തീർത്ത പുണ്യരാവ്... പുണ്യരാവ്...
മിന്നി മിന്നി വാനിലെങ്ങും
കണ്ണു ചിമ്മും താരാജാലം... താരാജാലം...
പാപലോകം ധന്യമാക്കാൻ
പാപികൾക്കു മോക്ഷമേകാൻ
പാരിടത്തിൽ ദൈവസൂനു ജാതനായ്
സ്നേഹരാജ്യം സാധ്യമാകാൻ
സ്നേഹിതരെ സ്വന്തമാക്കാൻ
പാരിടത്തിൽ ദൈവസൂനു ജാതനായ്

🎵 കൊറസ്:

ദേവദൂത ഗാനമെങ്ങും ഉയർന്നു കേൾക്കാൻ
ഹാലേലൂയ്യ ഗീതമെങ്ങും നിറഞ്ഞു നിൽക്കാൻ
ശാന്തി മന്നിലേകിടാൻ വന്ന നാഥനെ
മണ്ണും വിണ്ണും ഒന്നുചേർന്ന് വാഴ്ത്തിടുന്നിത

ഇരുളലയകറ്റിയ പുലരികൾ വരവായി
പുതുനിറമണിഞ്ഞൊരു നവദിനമുണർവായി
പരിശുദ്ധൻ പരലോകം വെടിഞ്ഞവൻ എളിമയാൽ
മനുജനായ് മഹിയിതിൽ ആഗതനായ്.... (×2)

പുൽക്കുടിലിന്നൊരു പുണ്യത്തിൻ
കൂടായായി.....
പൊൻസുതനണഞ്ഞിതാ
വചനത്തിൻ പൊരുളായി.....
മറിയത്തിൻ മകനായി....
പിറന്നവൻ അരുമയായ്...
ഇടയനായ് വഴികളിൽ
പാലകനായ്....(×2)