യേശു എന്നടിസ്ഥാനം

യേശു എൻ അടിസ്ഥാനം ആശ അവനിലത്രേ
ആശ്വാസത്തിൻ പൂർണത യേശുവിൽ കണ്ടേ ഞാനും

എത്ര മധുരമവൻ നാമമെനിക്കു പാർത്താൽ
ഓർത്തു വരുന്തോറുമെൻ
ആർത്തി മാഞ്ഞു പോകുന്നു

ദുഃഖം ദാരിദ്ര്യമെന്നി-
വയ്ക്കുണ്ടോ ശക്തിയെന്മേൽ
കൈക്കു പിടിച്ചു നടത്തി-
കൊണ്ടുപോകുന്നവൻ

രോഗമെന്നെ പിടിച്ചെൻ
ദേഹം ക്ഷയിച്ചാലുമേ
വേഗം വരുമെൻ നാഥൻ
ദേഹം പുതുതാക്കിടാൻ

പാപത്താലെന്നിൽ വന്ന
ശാപക്കറകൾ നീക്കി
ശോഭിത നീതി വസ്ത്രം
ആഭരണമായ് നല്കും

വമ്പിച്ച ലോകത്തിര-
ക്കമ്പം തീരുവോളവും
മുമ്പും പിമ്പുമായവൻ
അൻപോടെന്നെ നടത്തും

ലോകമെനിക്കു വൈരി
ലോകമെന്നെ ത്യജിച്ചാൽ
ശോക മെന്തനിക്കതിൽ
ഏതും ഭയപ്പെടാ ഞാൻ

വെക്കം തൻമണവാട്ടി
ആക്കിടും എന്നെ അന്ന്
വാക്കുണ്ടെനിക്കു
തന്‍റെ നീക്കമില്ലതിനൊട്ടും