ప్రవచేన సారము

ప్రవచన సారము - ప్రభవించెను ఇలలోన
వాగ్దాన రూపము - వర్ధిల్లెను మన పక్షాన
ఏలీయ పలికిన - యెషయా చాటిన
మెస్సయ్య జన్మించెను - మన విముక్తి మార్గమున ||ప్రవచన||
యెషయా పలికిన కన్యక గర్భ ఫలము
ఇమ్మానుయేలుగా మనకు తోడైన దైవము
దావీదు సింహాసనపు నిత్య వారసుడు
శాంతికి అధిపతిగా - శరణాగత వత్సలుడు
అంధకార లోకమున - అద్భుత జ్యోతి వెలిగెను
తొట్టిలో పరుండి - తగ్గించుకొనుట నేర్పెను ||ప్రవచన||
మీకా చెప్పిన బేత్లెహేము పురమున
అల్పుడైన అక్షయుడు - అవతరించెను దీనునిగా
గొర్రెపిల్లగా వచ్చి - గురిని మనకు చూపెను
బలియాగపు వేదికకై - బాటను సిద్ధము చేసెను
ఆదికాండపు వాగ్దానము - నేడు నెరవేరెను
సర్పము తల చితుకద్రొక్క - సర్వేశ్వరుడు దిగివచ్చెను ||ప్రవచన||
మహిమను వీడి - మట్టి రూపము దాల్చినది
మరణపు లోయలో ఉన్న - మనల వెదకి వచ్చినది
పాపపు బంధాలు తెంపి - శాశ్వత జీవమిచ్చుటకు
నీతి సూర్యుడుగా - నిత్య రాజ్యము చేరుటకు
యేసయ్యా నీ జననమే - మాకు రక్షణ భాగ్యము
చివరికి నీ కృపతో - మమ్మును పరలోకం చేర్చుదువు ||ప్రవచన||