പിളർന്നോരു പാറയേ

Match Point Faith Presents Malayalam Christian Devotional Song "Pilarnnoru Paraye | പിളർന്നോരു പാറയേ"




▶️പിളർന്നോരു പാറയേ നിന്നിൽ ഞാൻ മറയട്ടെ
തുറന്ന നിൻ ചങ്കിലെ രക്തജലം പാപത്തെ
നീക്കി സുഖം നല്കട്ടെ മുറ്റും രക്ഷിക്ക എന്നെ

കല്പന കാത്തീടുവാൻ ഒട്ടും പ്രാപ്തനല്ലേ ഞാൻ
വൈരാഗ്യം ഏറിയാലും കണ്ണുനീർ ചൊരിഞ്ഞാലും
വന്നിടാ പാപനാശം നീ താൻ രക്ഷിക്കവേണം

വെറുംകൈയായ് ഞാനങ്ങു ക്രൂശിൽമാത്രം നമ്പുന്നു
നഗ്നൻ ഞാൻ നിൻ വസ്ത്രം താ ഹീനൻ ഞാൻ നിൻ കൃപതാ
മ്ളേച്ഛനായ് വരുന്നിതാ സ്വച്ഛനാക്കു രക്ഷകാ

എന്നിലോടുന്നീശ്വാസം വിട്ടെൻ കൺമങ്ങും നേരം
സ്വർല്ലോക ഭാഗ്യം ചേർന്നു നിന്നെ ഞാൻ കാണുന്നന്നു
പിളർന്നോരു പാറയേ നിന്നിൽ ഞാൻ മറയട്ടെ