மனந்திரும்பும் பாவிக்கென்றும்

மனந்திரும்பும் பாவிக்கென்றும் புகலிடமே

மனதுருகும் தேவன் எந்தன் மறைவிடமே



வந்தனமப்பா வந்தனமே



திருச்சபை நடுவில் உமது பெயரைச்

சொல்லியே பாடிடுவேன் - திருக்கரம்

செய்திட்ட நன்மை நினைக்கிறேன்

திருச்சபை நடுவில் உமது பெயரைச்

சொல்லியே - உம்முடைய செயல்களெல்லாம்

நினைக்கும் போது வியக்கிறேன்



இரதங்களும் குதிரைகளும் எங்களை

இரட்சிக்க முடியவில்லை - உம்மை

விட்டால் எங்களுக்கு வேறே வழியில்ல

இரதங்களும் குதிரைகளும் எங்களை

இரட்சிக்க முடியவில்லை - உம்மை நம்பி

வந்துவிட்டோமே வேறொரு நாமம் அறியவில்ல



கர்த்தருக்குள் மகிழ்ந்திருக்கும்

பிள்ளைகளுக்கென்றும் நிம்மதியே

காத்திருந்தால் கிடைக்கும் அவரின் கிருபை

கர்த்தருக்குள் மகிழ்ந்திருக்கும்

பிள்ளைகளுக்கென்றும் நிம்மதியே - என்னை

விட்டு எடுபடாத நல்ல பங்கு அவர் சந்நிதியே