കര കവിഞ്ഞൊഴുകും കരുണയിന് കരങ്ങള്

കര കവിഞ്ഞൊഴുകും കരുണയിന്‍ കരങ്ങള്‍
ഭൂമിയില്‍ ആരുടെത്?
ആകുലമാം ലോകത്തില്‍ അനുദിനവും ശാന്തി തരും
ചൈതന്യമാരുടെത്? (2)


എന്‍ മനമേ നീ പറയൂ
നിന്‍റെ ജീവന്‍റെ ജീവനേത്? (2)
1

പ്രാര്‍ത്ഥന കേള്‍ക്കും അനുഗ്രഹമരുളും
ദാനങ്ങളാരുടെത്?
കാല്‍വരി മലയില്‍ നിന്നും ഒഴുകി വരും രുധിരത്തിന്‍
രോദനമാരുടെത്? (2) (എന്‍ മനമേ നീ..)
2

സുരസുഖമഖിലം മനുജന് ചൊരിയും
ദാനങ്ങളാരുടെത്?
ബെതലെഹേം പുല്‍ക്കൂട്ടില്‍ മാനുഷനിന്‍ മകനായി
ജീവിതമാരുടെത്? (2) (എന്‍ മനമേ നീ..)