மகனே உன் நெஞ்செனக்கு தாராயோ

மகனே உன் நெஞ்செனக்கு தாராயோ? – மோட்ச

வாழ்வைத் தருவேன் இது பாராயோ?



1. அகத்தின் அசுத்தமெல்லாம் துடைப்பேனே – பாவ

அழுக்கை நீக்கி அருள் கொடுப்பேனே



2. உன் பாவம் முற்றும் பரி கரிப்பேனே – அதை

உண்மையாய் அகற்ற யான் மரித்தேனே



3. பாவம் அனைத்துமே விட்டோடாயோ? – நித்ய

பரகதி வாழ்வை இன்றே தேடாயோ?



4. உலக வாழ்வினை விட்டகல்வாயே – மகா

உவப்பாய்க் கதி ஈவேன் மகிழ்வாயே



5. உன்றன் ஆத்துமத்தை நீ படைப்பாயே – அதில்

உன்னதன் வசிக்க இடம் கொடுப்பாயே