மேசியாவே மேசியாவே பூலோகம் வந்தீரே

மேசியாவே மேசியாவே

பூலோகம் வந்தீரே

நாங்களுந்தான் பாடணும்

நாங்களுந்தான் ஆடணும்

உம்முடைய பிறப்பைக் கொண்டாடணும்



1. பெத்தலகேம் என்னும் ஊரினிலே

இரட்சகர் மனுவாக மலர்ந்ததாலே

வானவர்கள் வாழ்த்திடவே

வையகமும் மகிழ்ந்திடவே

கொண்டாட்டம் கொண்டாட்டம்

கொண்டாட்டமே



2. பூலோக மாந்தர்க்கு நற்செய்தியே

சந்தோஷம் சமாதானம் பெருகிடவே

கந்தைத்துணி முன்னணையில்

இறைமைந்தன் உறங்கிடவே

அன்னை மரி தாலாட்டி மகிழ்ந்தாளே



3. மன்னிப்பில் மாட்சிமை உண்டெனவே

உரைத்திட்ட திரு மைந்தன் பிறந்ததாலே

எண்ணில்லா நன்மைகள்

என்றென்றும் கிடைத்திடவே

மன்னிப்போம் மகிழ்வோடு தவறுகளை