manasaa vinavaemae kreesthuniaమనసా వినవేమే క్రీస్తునిఁ గని స
Chords: ragam: ముఖారి-mukhaari
మనసా వినవేమే క్రీస్తునిఁ గని సేవింపవేమే అనుదినమున నీ కాయువు
క్షీణం బగుచున్నది గదవే ||మనసా||
1. చింతలేల నీకు వర శ్రీ మంతుడుండు వరకు చెంతను జేరక
యెంతసేపు నీ యంతట నుండెదవే ||మనసా||
2. లోకాశలకును నీవు లోకువై యుండకుము ఆకాశము నేలెడు మన
ప్రభువును ప్రాకటముగ నమ్ము ||మనసా||
3. మాయ సంతలోన జిక్కి మాయలఁ బోయెదవు కాయము స్థిరమని
నమ్మకు మీ నీ ప్రాయము దక్కదుగా ||మనసా||
4. రక్షకయని వేఁడు నీవు రక్షణకై వేఁడు రక్షణఁ బొందుట కిదియే
సమయము తక్షణమున వేఁడు ||మనసా||
5. అందరమును గూడి యేసుని మందిరమునఁ జేరి పొందుగ క్రీస్తుని
పొగడుచుఁ బాడుచు నందునఁ జేరుదము ||మనసా||