தேவன் வருகின்றார் வேகம் இறங்கி தேவ பர்வதம் தம் பாதம் நிறுத்தி

ஏழாம் தலைமுறை ஏனோக்குரைத்த

எல்லாம் நிறைவேறும் காலம் நெருங்க

ஏசு கிறிஸ்துவின் சத்தியத்தை

ஏற்க மறுத்தவர் நடுங்குவார் - இயேசு
தம்மை விரோதித்த அவபக்தரை

செம்மை வழிகளில் செல்லாதவரை

ஆண்டவர் ஆயிரம் பக்தரோடே

அந்நாளிலே நியாயந் தீர்த்திடுவார் - இயேசு
எதை விதைத்தாயோ அதை அறுப்பாய்

எல்லா அநீதிக்கும் கூலி பெறுவாய்

கல்வாரி சிலுவை அண்டிடுவாய்

கர்த்தரை நம்பியே தப்பிடுவாய் - இயேசு
அந்தி கிறிஸ்தன்று அழிந்து மாள

அன்பரான் இயேசுவின் ஜெயம் சிறக்க

வாயில் இருபுறம் கருக்குள்ள

வாளால் நெருப்பாக யுத்தம் செய்வார் - இயேசு